Ingredientes:
- ½ kg de ameixas
- 2 dentes de allo
- Xenxibre
- ½ talo de lemongrass (herba limón)
- Pasta de curry verde
- Coandro fresco
- 100 ml de leite de coco
- 3 follas de lima kaffir
Preparación:
- Nun cazo a lume medio, cun pouco de aceite de oliva virxe extra, engadir dous dentes de allo esmagados, un par de rodas de xenxibre e a pasta de curry verde. Deixar cociñar removendo ata que a pasta se integre ben.
- Engadir o leite de coco e o resto dos ingredientes, agás o coandro fresco.
- Cando a preparación estea quente, incorporar as ameixas, tapar e deixar cociñar ata que se abran.
- Servir as ameixas coa salsa por enriba e rematar cun pouco de coandro fresco picado
