Ingredientes:
- 500 g de ameixas
- 1 cebola grande
- 3 dentes de allo
- 20 ml de viño branco
- 100 ml de caldo de peixe ou dashi
- 1 cullerada de fariña
- 1 culleradiña de pemento doce
- 3 culleradas de tomate triturado
- Perexil fresco
Preparación:
- Nunha pota ou tixola, refogar a cebola picada.
- Cando estea ben pochada, engadir o allo picado e cociñar un par de minutos máis. Incorporar un pouco de tomate triturado, sal, pementa e o pemento doce, e deixar cociñar durante uns minutos.
- Engadir a cullerada de fariña e remover constantemente.
- A continuación, incorporar pouco a pouco o viño branco e despois o caldo de peixe ou dashi. Cociñar durante uns 10 minutos e rectificar de sal e pementa se fose necesario.
- Engadir as ameixas, tapar a pota e deixar cociñar ata que se abran.
- Rematar cun pouco de perexil fresco picado antes de servir.
